Ég hef alltaf heillast af þorpum á landsbyggðinni,sérstaklega stöðum þar sem hrikaleg náttúran rammar inn lágreista byggðina. Þorpin eru hið raunverulega Ísland, laus við prjál og tilgerð og fánýtt daður okkar höfuðborgarbúa við yfirborðslegt útlit eða viðurkenningar á samfélagsmiðlum.Steinn Steinar orti ”Í draumi sérhvers manns er fall hans falið” og það má oft heimfæra við mannvirki í þorpum nútímans, mannvirki sem stórhuga menn byggðu þegar vel áraði og framtíðin var björt. Nú standa hinsvegar mörg þeirra auð og yfirgefin, fáir sjást á ferli og mávagarg hefur komið í stað iðandi bæjarlífs. Þorpin og bæirnir eru að breytast og spurningin er hvort þær breytingar séu alltaf til góðs.Fyrir ljósmyndara eru öll þessi þorp, hvort heldur er kaupstaðirnir eða litlu þorpin, myndrænn fjársjóður sem tengir saman nútíð og fortíð. Við sjáum vitnisburð um stórhuga framtíðarsýn og listræna þörf hins vinnandi manns. Við sjáum minnisvarða mælda í húsakosti með persónuleika og í atvinnutækjum sem sum hver gegna öðru hlutverki í dag en þeim var ætlað í upphafi. Í þeim birtast persónuleg sérkenni sem við höfuðborgarbúar fáum ekki að tjá í okkar kassalaga húsum í kassalaga skipulagi. Við eigum öll uppruna okkar í krummaskuðum, við höfum bara gleymt því.
I have always been fascinated by Icelandic villages, especially where they represent the vision of past generations framed by the harsh Icelandic scenery. All these places are a treasure trove for visual artists looking for a motif that combines the past and the present. We find monuments of grandeur and artistic ambition, decline and neglect. Most are fishing towns, built around the fishing industry in the early 20th century but since the advent of fishing quota 30 years ago many of those villages have been hit hard and turned from thriving towns to decaying and dying towns. Stagnation has replaced the economic boom. Some have managed to keep their fishing quota however and are doing well while others have turned to different type of catch, tourists!
These are the places where we’ll find the real Icelandic spirit and traditions.